Abşeron rayonu, Masazır kənd Ə.Vahid adına 1 nömrəli məktəbdə musiqi müəlliməsi Şükufə Qasımovanın təşkilatçılığı ilə aprel döyüşlərinin ildönümü ilə əlaqədar tədbir keçirilib. Mərasimdə Masazır ərazi icra nümayəndəsi Fəxrəddin Orucov, Abşeron Rayon təhsil Şöbəsinin işçisi Zərifə Qəhərəmanova, şəhid atası, hərbçi xanım Elmina, məktəbin direktoru Etibar Orucov, habelə məktəbin müəllim və şagird heyəti iştirak edib. Tədbir şəhidlərimizin müqəddəs xatirəsinin 1 dəqiqəlik sükutla yad edilməsi ilə başlanılıb. Ardınca Azərbaycanın Dövlət Himni səsləndirilib. Şagirdlər hərbi-vətənpərvərlik mövzusunda şeirlər söyləyib, mahnılar oxuyub, müxtəlif səhnəciklər göstəriblər. Qonaqların diqqətinə çatdırılıb ki, belə tədbirlərin tez-tez keçirilməsi gələcək nəsillərmizin vətənpərvər ruhda böyüməsinə müsbət təsir edir. Tədbir Dədə Qorqudun igidlərmizə xeyir –dua verməsiylə başa çatıb.