Ötən gecə Bakıda yerləşən "Kempinski Hotel Baku"da "Stilist və vizajistlərin Avrasiya gözəllik yarışması 2016" beynəlxalq layihəsinin milli çempionatı keçirilib. Müsabiqədə iştirak edən stilist və saç ustalarına müəyyən zaman müddətində modellərini bəzəmək şansı verilib. Yarışmanın münsif kürsüsündə xalq artisti Məleykə Əsədova ilə yanaşı, World Beaty Congressin prezidenti Zamir Hüseynov, milli çempionatın rəhbəri Alla Fərzəliyeva, WBC-nın Qafqaz ölkələri üzrə direktoru Aqil Məmiyev, teleaparıcı Şəhriyar Əbilov, "A Glamour" moda evinin direktoru Afaq İsmayılzadə əyləşdilər.
Müsabiqədə yarışan bu saç ustaları ilk üçlüyə daxil ola biliblər:
1. Cəvahir Mirhadılı
2. Elza Məmmədova
3. İradə Seyfullayeva, Kəmalə Kərimova
Bu vizajistlər də adları ilk üçlüyə yazdırdılar:
1. Könül Namazova
2. İradə Seyfullayeva
3. Səbinə Quliyeva "Fashion Look üzrə" Azərbaycan Çempionu olmağı da Elza Məmmədova öz adı ilə bağladı. Məlumat üçün bildirək ki, ilk yerin sahibi Cəvahir Mirhadılı Sumqayıt şəhərindəndi. "World Beauty Congress" (WBC) tərəfindən təşkil olunan yarışmanın beynəlxalq finalına da paytaxtımz ev sahibliyi edəcək yarışmada Azərbaycanı məhz o təmsil edəcək.. Final gecəsi 30 may tarixində "Qafqaz Baku Sport Hotel"də baş tutacaq.

Xəbərdən istifadə edərkən istinad etmək vacibdir.