Talıb Tale ATV-də yayımlanan "Maşın” reailiti-şousunun qalibi bu gün müəyyənləşib. Şounun qalibi müğənni Talıb Tale olub. 
Talıb Tale Müasir Müsavat Partiyasının sədri Hafiz Hacıyev in qohumudur.
Məsələ ilə bağlı danışan Hafiz Hacıyev, Talıb Talenin onun əmisi qızının oğlu olduğunu deyib.

"Talıb Tale mənim partiyamın üzvü olmasa da, tez-tez yanıma gəlib-gedir. "Maşın” şou müddətində onu izləyirdik və dəstəstəkləyirdik, SMS göndərmişik. Talıb eyni zamanda, Aşıq Ələsgərin kötücəsidir.
Düşünürəm ki, Talıb kifayət qədər sevilir. Şou ərzində bir neçə dəfə duelə çıxdı və hər dəfə  uğur qazandı. Bunu "Maşın” şou da çox az iştirakçı edə bilib. Demək ki, sevilən ifaçıdır. Mən onunla fəxr edirəm, onun mahnılarını da dinləyirəm. Kiminsə onun oxuduğu musiqiləri bayağı adlandırması ilə də razılaşmıram, hərənin bir zövqü  var. Talıbın yalnız Azərbaycanda deyil, Rusiya və Türkiyədə də pərəstişkarları var. Onun gələcəyi parlaqdır. "Maşın”da qalib olmasına da hamımızı sevindirdi”.(Modern.az)

Xəbərdən istifadə edərkən istinad etmək vacibdir.