Xalq artisti Könül Xasıyeva bu gün xəstəxanaya yerləşdiriləcək.
Xeberle.com xəbər verir ki, bu haqda axşam.az-a açıqlamasında xanəndə özü deyib. O bildirib ki, son günlər ağrıları daha da çoxalıb:
"Respublika Müalicəvi Diaqnostika Mərkəzinə yerləşdiriləcəm. Həkimlər hələ 14 gün müalicə almalı olduğumu deyiblər. Əgər lazım gəlsə, daha çox qalacam. Son günlər ağrılarım da çoxalıb. Bayramın bitməyini gözləyirdim ki, xəstyəxanaya gedim".
K.Xasıyeva birinci vitse-prezident Mehriban Əliyevanın ona bağışladığı evə köçdüyünü deyib:
"Yeni mənzilimə bir müddətdir köçmüşəm. Yeni ili də evimdə qarşıladım".
Qeyd edək ki, müğənni uzun müddətdir onurğa iflicindən əziyyət çəkir.
Xəbərdən istifadə edərkən istinad etmək vacibdir.
