Bu gün Sumqayıt şəhər M. Ə. Rəsulzadə adına 2 saylı kitabxana-filialda xalq yazıçısı Əli Vəliyevin 115 yubileyi ilə bağlı ”Turaclıya gedən yol” əsərinin müzakirəsi keçirilib. Tədbirdə Sumqayıt Dövlət Universitetinin (SDU) tələbələri, 14 saylı tam orta məktəbin kitabxanaçısı Məlahət Xəlilova və həmin məktəbin şagirdləri iştirak ediblər.
2 saylı kitabxana-filialın baş kitabxanaçısı Şərəf Əliyeva tədbiri giriş sözü ilə açaraq xalq yazıçısı Əli Vəliyevin həyat və yaradıcılığı haqqında geniş məlumat verib. Bildirib ki, ki, yazıçı ədəbiyyatımızda öz mövzusu, öz üslubu olan bənzərsiz sənətkardır: "Ən ümdə məsələ isə, həyat məsələlərinə əsil yazıçı sadaqətidir. Əli Vəliyevi eyni zamanda Azərbaycan kəndinin yazıçısı adlandırırlar. Mövzuya bağlılıq bu yazıçının mühüm xüsusiyyətlərindən biridir."
Tədbirdə çıxış edənlər Sumqayıt Dövlət Universitetinin (SDU) tələbələri Asim Arazlı, Taleh Cavadov kitabxananın daimi oxucusu Məlahət Nəcəfova və digər oxucular ədibin müxtəlf dövrlərdə yazdığı əsərlərdən, həmin əsərlərdəki obrazların müasir dövrlə uzlaşmasından söhbət açıblar.
Sonda ədibin "Turaclıya gedən yol” əsərinin müzakirə olunub.
Qeyd olunub ki, roman Azərbaycan xalqının yaxın tarixi ilə bağlıdır, milli koloriti olan bir romandır. Əli Vəliyevin yaratdığı obrazlar həmişə təbiiliyi, səmimiliyilə fərqlənir və yadda qalır.
Xeberle.com