Amerikalı yazıçı Pol Bitti "Satış" romanına görə Buker mükafatı qazanıb.
BBC xəbər verir ki, o, Buker mükafatı əldə edən ilk ABŞ yazıçısı olub.
"Satış" - Los Ancelesin ətrafındakı şəhərlərdən birində seqreqasiya və köləliyi qaytarmağa çalışan qaradərili gəncin satirik hekayəsidir.
Münsiflər heyətinin sədri Amanda Forman kitabın bütün sosial qadağaları pozduğunu bildirib. Onun sözlərinə görə, münsiflərə qərar vermək üçün dörd saat vaxt lazım gəlib.
Qeyd edək ki, P.Bitti 1962-ci ildə Los-Ancelesdə anadan olub. "Satış" onun dördüncü romanıdır. Kitab ABŞ-da artıq bir neçə mükafat qazanıb.(Report)

Xəbərdən istifadə edərkən istinad etmək vacibdir.