Azəbaycan ədəbiyyatının görkəmli nümayəndəsi, nəğməkar və nakam şairimiz Mikayıl Müşfiqin anadan olmasının 114 illiyinə həsr olunan tədbir keçirilib.
Sumqayıt Regional Mədəniyyət İdarəsinə tabeli olan Xızı rayon Mikayıl Müşfiq muzeyində düzənlənən tədbirdə milli məclisin deputatı Müşfiq Məmmədli, Sumqayıt Regional Mədəniyyət İdarəsinin rəisi Rəşad Əliyev, İdarənin Xızı rayonu üzrə nümayəndəsi baş məsləhətçi Mönsüm Bağırov, Mədəniyyətşünaslıq üzrə elmi metodik ixtisasartırma mərkəzinin şöbə müdiri Sənan Talıbov, Şöhrət ordenli şairə Ofeliya Babayeva, filologiya üzrə fəlsəfə doktoru Firudin Qurbansoy, Əməkdar jurnalist Qafar Əsgərzadə, Azərbaycan Milli Konservatoriyasının professoru, sənətşünaslıq üzrə elmlər doktoru, musiqiçi Abbasqulu Nəcəfzadə, şairlər İbrahim İlyaslı, Nəcməddin Mürvətov, Ağasəfa, şair Nəbi Xəzrinin yadigarı Arzu Babayev və başqa ziyalılar, mədəniyyət işçiləri, mətbuat nümayəndələri iştirak ediblər. Unudulmaz şairin xatirəsi ehtiramla anılıb.
Xəbərdən istifadə edərkən istinad etmək vacibdir.
