Sumqayıt Dövlət Dram Teatrının aktyoru və rejissoru Şahmar Qəribli fevralın 16-da dünyasını dəyişib.
Xeberle.com-un məlumatına görə, Ş. Qəribli 66 yaşında müalicə aldığı xəstəxanada işqılı dünyaya gözlərini əbədi yumub.
Qeyd edək ki, mərhum doğulduğu Kürdəmir rayonunda dəfn edilib.
Ş. Qəribli 1952-ci ildə anadan olub. 1971-1975-ci illərdə M. Əliyev adına Azərbaycan Dövlət İncəsənət İnstitutunun "Dram və kino aktyoru" fakültəsində təhsil alıb. 1976-cı ildən başlayaraq fasilələrlə H.Ərəblinski adına Sumqayıt Dövlət Musiqili Dram Teatrında çalışıb. 1991-ci ildə Moskva şəhərində L.Xeyfetsin rəhbərliyi ilə ali rejissorluq kursunu bitirib. 2001-2010-cu illərdə "Lider" telekanalında fəaliyyət göstərib. 2013-cü ildə Mədəniyyət və Turizm Nazirliyinin "Fəxri mədəniyyət işçisi” döş nişanı ilə təltif olunub.
Ailəsi və yaxınlarına Allahdan səbr diləyirik. Allah rəhmət eləsin!
Xəbərdən istifadə edərkən istinad etmək vacibdir.
