Xeberle.com xəbər verir ki, məhkəmənin saytında yerləşdirilən məlumata görə, hakimlərin sayı 11-dir.

Gəlin, Sumqayıt Şəhər Məhkəməsinin hakimləri ilə tanış olaq:

1. Hüseynov Zeyqəm Hüseyn oğlu (69 yaş) - Sumqayıt Şəhər Məhkəməsinin sədri

O, 1974-cü ildə Azərbaycan Dövlət Universitetinin Hüquq fakültəsini bitirib. 1976 - 1987-ci illərdə Zəngilan, 1987 - 1990-cı illərdə isə Füzuli Rayon Məhkəməsinin hakimi olmuş, 1990 - 2000-ci illərdə Xaçmaz Rayon Məhkəməsinin sədri, 2000 - 2007-ci illərdə Ali Məhkəmənin hakimi olub. 2007-ci ildən etibarən isə Sumqayıt Şəhər Məhkəməsinin sədridir.

2. Abıyev Nəriman İbrahim oğlu (40 yaş)- Hakim

O, 1999-cu ildəTəfəkkür Universitetinin İqtisadiyyatın hüquqi tənzimlənməsi fakültəsini bitirdikdən sonra, Azərbaycan Respublikasının Prezidenti yanında Dövlət İdarəçilik Akademiyasının Hüquq fakültəsinə daxil olub və 2004-cü ildə oranı bitirib. 1996-cı ildə "İlham-N” firmasının hüquq məsləhətçisi, 1997 - 2007-ci illərdə İqtisad Məhkəməsinin təsərrüfat müdiri, kollegiya katibi, məhkəmə iclas katibi olub. 2007 - 2013-cü illərdə Bakı Apellyasiya Məhkəməsinin məhkəmə iclas katibi, hakim köməkçisi olub. 2013-cü ildən etibarən isə Sumqayıt Şəhər Məhkəməsinin hakimidir.

3. Əsgərova Ruhiyyə Orucəli qızı (41 yaş) - Hakim

O, 1998-cı ildə Təfəkkür Universitetinin Hüquq fakültəsini, 2006-cı ildə Azərbaycan Respublikasının Prezidenti yanında Dövlət İdarəçilik Akademiyasının Dövlət və bələdiyyə idarəetməsi fakültəsini, 2010-cu ildə isə Bakı Dövlət Universitetnin Hüquq fakültəsini bitirib. 2000 - 2013-cü illərdə Abşeron rayon İcra Hakimiyyəti Başçısı Aparatının hüquq şöbəsinin hüquqşünası, sonralar müdiri olub. 2013-cü ildən Sumqayıt Şəhər Məhkəməsinin hakimidir.

4. İsmayılov Azər İbrahim oğlu (44 yaş) - Hakim

O, 1997-ci ildə Təfəkkür Universitetinin Hüquq fakültəsini bitirib. A. İsmayılov 1997 - 2000-ci illərdə Nəsimi Rayon Məhkəməsində kargüzar, iclas katibi kimi çalışıb. 2001 - 2008-ci illərdə Sumqayıt Şəhər Məhkəməsində məsləhətçi, böyük məsləhətçi, 2008 - 2013-cü illərdə isə Bakı şəhəri Nizami Rayon Məhkəməsinin hakimi olub, 2013-cü ildən etibarən isə Sumqayıt Şəhər Məhkəməsinin hakimidir.

5. Mahmudov İlyas Musa oğlu (59 yaş) - Hakim

İ. Mahmudov 1988-ci ildə Azərbaycan Dövlət Universitetinin Hüquq fakültəsini bitirib. 1993 - 1998-ci illərdəAli Məhkəmənin Məhkəmə təcrübəsinin ümumiləşdirilməsi, qanunçuluğun sistemləşdirilməsi və tətbiqi şöbəsində məsləhətçi, 1998 - 2001-ci illərdə Ali Məhkəmənin Plenumu və Rəyasət Heyətinin Katibliyində baş məsləhətçi,2001 - 2006-cı illərdə Ali Məhkəmənin Qanunvericiliyin sistemləşdirilməsi şöbəsinin rəisi, 2006 - 2007-cı illərdə

Ali Məhkəmənin Analitik və qanunvericiliyin sistemləşdirilməsi şöbəsinin müdiri, 2007 - 2008-ci illərdə isə Ali Məhkəmənin Analitik və qanunvericiliyin sistemləşdirilməsi şöbəsinin müdir müavini olub.

2008-ci ildən isə Sumqayıt Şəhər Məhkəməsinin hakimidir.

6. Əliyev Fikrət Hüseyn oğlu (55 yaş) - Hakim

F. Əliyev 1991-ci ildə Bakı Dövlət Universitetinin Hüquq fakültəsini bitirib. 1991 - 1992-ci illərdə Bakı Qazan Mexaniki Zavodunda hüquqşünas, 1992-ci ildəMüdafiə Nazirliyi Hüquq müdafiə şöbəsinin hüquq məsləhətçisi, Hərbi hüquq şöbəsinin baş zabiti, 1992 - 2000-ci illərdə Füzuli Qarnizonu Hərbi Məhkəməsinin hakimi, 2000 - 2007-ci illərdə Gəncə Hərbi Məhkəməsinin hakimi, 2007 - 2017-ci illərdə Gəncə Apellyasiya Məhkəməsinin hakimi olub.

2017-ci ildən isə Sumqayıt Şəhər Məhkəməsinin hakimidir.

7. Mahmudova Təranə Nəriman qızı (50 yaş) - Hakim

T. Mahmudova 2010-cu ildə Bakı Dövlət Universitetinin Hüquq fakültəsini bitirib. 1998 - 2007-ci illərdə Respublika Klinik Xəstəxanasının hüquqşünası, 2007 - 2013-cü illərdə Bakı Şəhəri Nəsimi Rayon Məhkəməsinin böyük məsləhətçisi işləyib.

2013-cü ildən isə Sumqayıt Şəhər Məhkəməsinin hakimidir.

8. Məmmədov Ceyhun Bəşir oğlu (38 yaş) - Hakim

C. Məmmədov 2002-ci ildə Bakı Dövlət Universitetinin Hüquq fakültəsini bitirib. 2003 - 2008-ci illərdə Bakı Hərbi Məhkəməsinin dəftərxana müdiri, məsləhətçisi, məhkəmə iclas katibi, 2008 - 2013-cü illərdə Bakı şəhəri 47 saylı Dövlət Notariat Kontorunun dövlət notariusu işləyib.

2013-cü ildən isə Sumqayıt Şəhər Məhkəməsinin hakimidir.

9. Məmmədov Elman Tofiq oğlu (53 yaş) - Hakim

E. Məmmədov 1989-cu ildə Azərbaycan Dövlət Universitetinin Şərqşünaslıq fakültəsini, 2000-ci ildə isə Bakı Dövlət Universitetinin Hüquq fakültəsini bitirib. 1993 - 2008-ci illərdə Dövlət Gömrük Komitəsinin Hava Nəqliyyatında Baş Gömrük İdarəsinin baş inspektoru, 2008-ci ildən etibarən isə Sumqayıt Şəhər Məhkəməsinin hakimidir.

10. Məmmədov İlqar Aslan oğlu (52 yaş) - Hakim

İ. Məmmədov 1993-cü ildə Bakı Dövlət Universitetinin Hüquq fakültəsini bitirib. 1990 - 1991-ci ildə Bakı Şəhəri Sabunçu Rayon Xalq Məhkəməsində tərcüməçi, 1991 - 1992-ci illər ərzində Xanlar (indi Göygöl) Rayon Xalq Məhkəməsində məhkəmə icraçısı, 1992 - 1993-ci illərdə Samux Rayon Xalq Məhkəməsində məhkəmə icraçısı, 1993 - 1996-cı illərdə Bakı Şəhəri Suraxanı Rayon Ədliyyə Polis Bölməsində inspektor, baş inspektor, 1996 - 1998-ci illərdə Bakı şəhəri Səbail Rayon Ədliyyə Polis Bölməsinin rəisi, 1998 - 2000-ci illərdə Bakı şəhəri Yasamal Rayon Ədliyyə Polis Bölməsində inspektor, 2000-ci ildəƏdliyyə Nazirliyi Məhkəmə Qərarlarının İcrası Baş İdarəsinin Məhkəmə qərarlarının icrası şöbəsində rəis müavini, 2000 - 2001-ci ildə Bakı şəhəri Nizami rayon Ədliyyə Polis Bölməsinin rəisi, 2001 - 2002-ci ildə Bakı Şəhəri Nizami Rayonu Məhkəmə nəzarətçiləri və məhkəmə icraçıları şöbəsində böyük məhkəmə icraçısı vəzifəsini müvəqqəti icra edib.

2002 - 2008-ci illərdə Bakı Şəhəri Nizami Rayonu Məhkəmə icraçıları şöbəsinin rəisi olub.

2008-ci ildən isə Sumqayıt Şəhər Məhkəməsinin hakimi işləyir.

11. Ruvinov Vladimir Yefimoviç (60 yaş) - Sədr müavini və Hakim

V. Ruvinov 1988-ci ildə Azərbaycan Dövlət Universitetinin Hüquq fakültəsini bitirib. 1988 - 1990-ci illərdə Mebel RTPB-də hüquqşünas, 1990 - 1991-ci ildə "Azərsüdticarət”də hüquqşünas, 1991 - 1992-ci ildə "Femida” hüquq firmasında hüquqşünas, 1992 - 1993-cü ildə "Azərsüdticarət”də hüquqşünas,

1993 - 1995 "Fərid” firmasında hüquqşünas, 1995 - 2008-ci illərdə Bakı şəhəri 15 saylı Hüquq Məsləhətxanasında vəkil, 2008-ci ildən isə Sumqayıt Şəhər Məhkəməsinin hakimi işləyir. 

O, həm də Sumqayıt şəhər Məhkəməsinin sədr müavinidir.

Hicranə İsmayılova

Xeberle.com