Sumqayıt şəhər
Şəhidlər Xiyabanında hava qaralan kimi, məzarların ətrafının zülmətə qərq olması oraya ziyarət edən şəhid
yaxınları tərəfindən birmənalı qarşılanmır.
Görəsən Şəhidlər
Xiyabanında niyə işıqlandırma sistemi yoxdur?
Məsələ ilə
bağlı Sumqayıt Mənzil Kommunal Təsərrüfatı İstehsalat Birliyi ilə əlaqə
saxladıq. Qurumun baş mühəndisi Atəş Məmmədov Xeberle.com-a bildirdi ki, Şəhidlər
Xiyabanı salınandan bəri oranın məzarlıq hissəsində işıqlandırma sistemi olmayıb:
" Xiyaban 30 ilə yaxındır ki, salınıb və bu vaxta qədər orada işıqlandırma
olmayıb. Biz oraya baxacağıq, əgər mümkündürsə, qanun yol verirsə, orada
işıqlandırma işinin həyata keçirilməsinə çalışacağıq”.
Xatırladaq ki, Sumqayıt şəhər Şəhidlər Xiyabanı 1988-ci ildə salınıb. Orada vətən uğrunda canlarını fəda etmiş 416 şəhidin məzarı var.
Elnarə Salamova
Xeberle.com
Xəbərdən istifadə edərkən istinad etmək vacibdir.
