Sumqayıt səhiyyəsində "yarpaq tökümü”davam edir.
Bu dəfə isə 3 nömrəli poliklinikanın baş həkimi Ariz Axundov tutduğu vəzifəylə vidalaşmaq ərəfəsindədir.
Artıq A.Axundovun baş həkim vəzifəsindən azad olunduğu barədə xəbərlər də yayılıb.
Xeberle.com olaraq məlumatı dəqiqləşdirmək üçün Ariz Axundovla əlaqə saxladıq. Baş həkim belə bir məsələnin gündəmdə olduğunu deyib: " Hazırda mən səhhətimlə bağlı xəstəxanadayam. 25 ildir şəkər xəstəsiyəm. Səhhətimlə əlaqədar daha əvvəl müalicə olunmaq istədiyimi də bildirmişəm. 9 il yarımdır ki, bu poliklinikada işləyirəm. Səhiyyə Şöbəsinin müdiri Nəriman Baxşəliyev heç bir səbəb göstərilmədən işdən çıxmaq barədə ərizə yazmağımı təklif edir".
Qeyd edək ki, A. Axundov əmək fəaliyyətinə Boru Prokat Zavodunda (Azərboru) feldşer işləməklə başlayıb. Sonralar isə zavodda həkim və baş həkim kimi fəaliyyət göstərib.
2009-cu ildən isə 3 nömrəli poliklinikanın baş həkimidir.
Elnarə Salamova
Xeberle.com
Xəbərdən istifadə edərkən istinad etmək vacibdir.
