Heç bilirsinizimi ki, son 100 ildə Azərbaycana daha çox ixtisasca həkimlər rəhbərlik ediblər? Liderlərdən biri isə elektrik olub. Ya da ağlınıza gələrdimi ki, heç də uzaq olmayan keçmişdə Azərbaycana liderlik edənlərdən ikisii erməni olub, özü də biri natamam, o biri isə orta təhsilli erməni?…
Eslinde.com saytının aparıdığı araşdırmadan məlum olur ki, Levon Mirzoyan adlı gənc communist Azərbaycanı 3 ildən çox idarə edib. Maraqlı məqamlar o qədərdir ki… Məsələn lidelərimizdən çoxunun xanımı azərbaycanlı olmayıb. Bəzilərinin nəinki xanımı, heç özü də Azərbaycan dilində danışa bilmirmiş.
Zaman xəttində son 100 ildə Azərbaycanın rəhbərlərini görə  və müqayisə edə bilərsiniz.

 

Yaxud, son 100 ildə Azərbaycanı idarə edənlərin çoxu təsəvvür etdiyimizdən gənc olub.

Məsələn, əsasən yaşlı vaxtında çəkdirdiyi fotoşəkillərdən tanıdığımız Məhəmməd Əmin Rəsulzadənin respublika qurulanda cəmi 34 yaşı varmış.

Sovet İttifaqı dövründə liderlik edənlərin, yəni Azərbaycan SSR Kommunist Partiyası Mərkəzi Komitəsinin 1-ci katibi vəzifəsini icra edənlərin bəziləri daha gənc olublar. 1925-ci ildə vəzifəyə gətirilən Ruhulla Axundov 28 yaşında imiş. Ondan sonra bu vəzifə 29 yaşlı Levon Mirzoyana verilib. Son 100 ildə Azərbaycanda rəhbərliyə ən yaşlı vaxtında gələn Əbdürrəhman Vəzirov olub, katib qoyulanda onun 58 yaşı varmış.