Bilirsinizmi ki, Azərbaycan müstəqillik əldə etdikdən sonra Sumqayıta ixtisasca daha çox fizik-riyaziyyatçılar rəhbərlik edib?
Elə isə araşdırmamızı sizlərə təqdim edirik.
Ötən müddət ərzində «Gənclik şəhəri”nə 7 nəfər rəhbərlik edib. Onların arasında əslən Azərbaycanın Naxçıvan bölgəsindən olanlara daha çox rast gəlinir.
2000-2003-cü illərdə Sumqayıtın icra başçısı olmuş mərhum Təvəkgül Məmmədov və 2003-2011-ci illərdə şəhərə rəhbərlik etmiş və hazırda Mədəniyyət nazirinin birinci müavini olan Vaqif Əliyev ölkəmizin Naxçıvan bölgəsindəndirlər.
Son 28 il ərzində Sumqayıta rəhbərlik edən arasında şəhərdə doğulana rast gəlinmir.
Zaman xəttində son 28 ildə Sumqayıtın rəhbərlərini görə və müqayisə edə bilərsiniz.
Ötən müddət ərzində Sumqayıta rəhbərlik edənlərin icra başçısı təyin olunma yaşlarını da araşdırdıq.
1992-1993-cü illərdə şəhərə rəhbərlik etmiş Yusif Sevdimalıyev icra baçısı təyin olunanda 41 yaşı var idi.
Hazırda Sumqayıta rəhbərlik edən Zakir Fərəcov isə 61 yaşında şəhər icra başçısı təyin olunub. O, bundan əvvəl 10 il Abşeron rayon İcra Hakimiyyətinin başçısı olub.
Ramil Zeynallı
Xeberle.com
Xəbərdən istifadə edərkən istinad etmək vacibdir.
