Sumqayıtda yararsız yollar bərpa olunur, 25 saylı marşrut xətti bərpa olunacaq
Xeberle.com xəbər verir ki, son illər Sumqayıt şəhərində yol-nəqliyyat infrastrukturunun yenilənməsi istiqamətində mühüm layihələr reallaşdırılıb.
Son 5 il ərzində Sumqayıt şəhər İcra Hakimiyyəti tərəfindən hazırlanmış xüsusi proqram çərçivəsində prospekt və küçələr, eləcə də təmirə ehtiyacı olan mikrorayon və məhəllədaxili yollar mərhələli şəkildə təmir olunur.
Bu işlər hazırda da davam etdirilir. Şəhərin 9-cu mikrorayon ərazisində uzun müddət əsaslı şəkildə təmir olunmadan istismar olunan yollar təmir olunur.
Hazırda ərazidə yeni asfalt örtüyünün döşənməsi üçün hazırlıq görülür, təmir olunan küçələrdə piyadalar üçün səkilər salınır.
Şəhərin 9-cu mikrorayon ərazisində yol infrastrukturu əsaslı təmir olunduqdan sonra, şəhər sakinlərinin ehtiyacları nəzərə alınaraq 25 saylı marşurut xətti bərpa olunacaq.
Xəbərdən istifadə edərkən istinad etmək vacibdir.
