Sumqayıt
şəhərində rəsmi qeydiyyatda olan alkoqolizm xəstələrinin və narkomanların sayı
açıqlanıb.
Şəhər Narkoloji Dispanserindən Xeberle.com-a bildirilib ki, 2020-ci ilin 6 ayı ərzində alkoqolizm xəstələrinin və narkomanların
sayı ümumilikdə 4156 nəfər təşkil edib. Alkoqolizm xəstələrinin sayı 1408,
narkomanların sayı isə 2748 nəfərdir. Alkoqolizm xəstələrindən 22 nəfəri,
narkomanlardan isə 68 nəfəri qadındır.
Bu
ilin 6 ayı ərzində 86 nəfər qeydiyyata alınıb ki, onlardan da 57 -i narkoman,
29 nəfəri isə alkoqolizm xəstəsidir.
Qeyd
edək ki, 2020-ci ilin 6 ayı ərzində narkoloji xəstələrdən 11 nəfəri
qeydiyyatdan çıxıb ki, onlardan da 3 nəfəri praktiki sağlamlıqla, 8-i isə
ölümlə əlaqəli olub.
Xədicə Səxavətqızı
Xəbərdən istifadə edərkən istinad etmək vacibdir.
