Sumqayıtda isə bu siyasəti Gənclər və İdman Baş İdarəsi həyata keçirir.

Bəs Sumqayıt sakinləri necə düşünür, şəhərdə aparılan gənclər və idman siyasəti onları qane edirmi?

Mütəmadi olaraq saytımıza məxsus olan sosial şəbəkə hesablarında müxtəlif mövzularda onlayn sorğular həyata keçirirk. Bu dəfəki sorğuda isə respondentlərə "Sumqayıtda həyata keçirilən gənclər və idman siyasəti sizi qane edirmi?" sualı ilə müraciət edilib.

Sorğuda ümumilikdə 88 nəfər respondent iştirak edib. Respondentlərdən 48 nəfəri "Ürəkaçan deyil", 33 nəfəri "Gənclər üçün lazimi şərait yoxdur", 4 nəfəri "Yüksək səviyyədədir", 2 nəfəri isə "Yalnız idman sahəsi inkişaf edir" cavabını verib.

Sumqayıt Gənclər və İdman Baş İdarəsində isə deyilənlərlə razılaşmırlar.

Müxtəlif sahələrdə fəaliyyət göstəririk

Sumqayıt Gənclər və İdman Baş İdarəsindən Xeberle.com-a verilən açıqlamalarda bildirilib ki, qurum pandemiya dövründə bir sıra maarifləndirmə tədbirlərinin həyata keçirib, şəhərdə fəaliyyət göstərən gənclər təşkilatlatları gənclərin vətənpərvərlik tərbiyəsi, gənclərlə bağlı yeni cağrışlar, dünya iqtisadiyyatına yeni baxış və gənclərin məşğulluğu, gənclər təşkilatlarının fəaliyyəti və yeni yanaşmalar, sosial izolyasiya dövründə gənclərin fəaliyyəti kimi mövzularda onlayn konfranslarda iştirak ediblər.

Xədicə Səxavətqızı