Sumqayıt mədəniyyətinə ağır itki üz verib.
Xeberle.com-un məlumatına görə, Sumqayıt şəhər Regional Mədəniyyət İdarəsinin Nəriman
Nərimanov adına Mədəniyyət Mərkəzinin keçmiş direktoru Lazımov Felman Teymur oğlu vəfat edib. Mərkəzdə inzibatçı vəzifəsində çalışan F.
Lazımov bir müddət əvvəl koronavirusa yoluxub və Sumqayıtda pandemiya
xəstəxanasında müalicə alırdı. Aparılan müalicə tədbirlərinə baxmayaraq F.
Lazımov ötən gün dünyasını dəyişib. Keçmiş direktor dekabrın 31-də 79 yaşını qeyd
edəcəkdi.
N.
Nərimanov adına Mədəniyyət Mərkəzinə 36 il rəhbərlik edən(1976-2012) F. Lazımov
bir sıra təltiflərə layiq görülüb. O, "Qabaqcıl mədəniyyət işçisi” və "Tərəqqi”
medalçısı idi.
N.
Nərimanov adına Mədəniyyət Mərkəzinin kollektivi Lazımov Felman Teymur oğlunun vəfatında dərindən
kədərləndiyini bildirir və ailəsinə Allahdan səbir diləyir.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
