Sumqayıtda ictimai nəqliyyatla bağlı problem və
yeniliklər şəhər sakinlərini daim maraqlandıran əsas mövzulardan biridir.
Saytımızın sosial şəbəkə hesabları, habelə elektron poçtuna daxil olan müraciət
və şikayətlərdən bununla bağlı nəticə çıxarmaq mümkündür.
Şəhərimizdə bu sahəyə
cavabdeh qurum - Sumqayıt şəhər İcra Hakimiyyətinin başçısı yanında Sərnişindaşıma
və Nəqliyyat İdarəsi 6 ildir fəaliyyətə başlasa da avtobusları yeniləməkdən
başqa əlavə bir dəyişiklik baş verməyib.
Yayın qızmar vaxtlarında belə avtobuslarda
kondisonerlər qoşulmurdu. İyulda Nəqliyyat İdarəsinin rəisi Sultan Əsədov
saytımıza açıqlamasında sentyabr ayınadək ictimai nəqliyyatda mövcud olan problemlərin aradan
qaldırılacağını demişdi:
"Sentyabr ayından şəhər üzrə bütün marşrut avtobuslarıkart sisteminə keçəcək. Bu sahə üzrə hazırlıqlarımız davam etdirilir. Bütünlükdəkart sisteminə keçən nəqliyyatda nə kondisioner problemi, nə də ki,dayanacaqdan kənarda saxlamaq problemi olacaq”.
Artıq sentyabr ayındayıq. Sumqayıtda ictimai
nəqliyyatda mövcud olan problemlər həllini tapdımı?
Elə vəziyyəti öyrənmək üçün Sumqayıt şəhər İcra
Hakimiyyətinin başçısı yanında Sərnişindaşıma və Nəqliyyat İdarəsi ilə əlaqə
saxladıq. İdarənin rəis müavini Tofiq Saydumov Xeberle.com-a açıqlamasında bildirdi ki, bütün marşrut vasitələri kart
sisteminə keçid üçün hazırlıq mərhələsindədir: "Oktyabr ayının 1- dən tam
olaraq bütün avtobuslar kart sisteminə keçəcək. Bir neçə ay öncə 9 saylı
marşrutda istifafəyə verilən kartlar növbəti mərhələdə etibarlı hesab olunacaq
və kartların satışı da bərpa olunacaq”.
İctimai nəqliyyatda kartla ödəmə sistemi tam tətbiq olunduqdan sonra avtobus sürücüləri
maaş sisteminə keçməldir.
Bunu isə zaman göstərəcək…
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
