Məsələ ilə bağlı "Gold Qayalı” ilə əlaqə saxladıq. Marketin rəhbərliyi öncə dəftərin arxasındakı mətnin erməni dilində deyil, gürcü dilində yazıldığını bildirib. Lakin əməkdaşımız yazının erməni dilində getdiyini israr etdikdən sonra, "Yalong” şirkətinin məhsullarını Azərbaycana gətirən şirkətlə əlaqə saxlayacaqlarını söyləyib. 

Növbəti telefon əlaqəsi zamanı "Qayalı" marketlər şəbəkəsinin mətbuat xidmətinin rəhbəri İlkin Şirinov Xeberle.com-a bildirib ki, ("Yalong” şirkətinin əməkdaşının sözləri əsasında) bu dünya brendidir, sadəcə erməni lobbisinin aktivliyi nəticəsində onlar erməni dilində olan yazını dəftərin arxasına vurub dünyaya öz dillərini təbliğ məqsədi güdüblər. ""Gold Qayalı” olaraq üzərimizə düşən vəzifəni anlayaraq, sizin bizə olan iradınızdan sonra birbaşa bütün bu adda məhsulları Qayalı marketlər şəbəkəsindən satışdan çıxartdıq. Həmin yazılı məhsulların artıq heç biri satışda deyil. Əlavə edək ki, istənilən məhsul ölkəmizə gətirilərkən gömrük baxışından keçdikdən sonra mağazalara satış üçün paylanılır”, - deyə marketlər şəbəkəsinin rəsmisi bildirib və son olaraq, bu məsələdə özləri ilə bərabər Dövlət Gömrük Komitəsinin də məsuliyyət daşıdığına eyham vurub. 

(Ardı var)