Sumqayıtda
ictimai nəqliyyatda nağd ödəniş sisteminin ləğvindən və kart sisteminə keçildikdən sonra bir sıra problemlər yaşanır.
Xeberle.com-un araşdırmasına görə, ictimai nəqliyyatda əsas problemlər marşrut avtobuslar
arasında intervalın artması, validatorların işləməməsi, edilən ödənişlərin
sistem tərəfindən qəbul edilməməsidir.
Bütün
bu yaranan problemlərə Sumqayıtda
Avtomobil Nəqliyyatı ilə Sərnişindaşıma İdarəsinin rəisi Sultan Əsədov aydınlqı
gətirib.
S.
Əsədov Xeberle.com-a açıqlamasında mövcud olan problemləri yaradan səbəbləri
açıqlayıb:
"Bu gün ”Sumqayıt Nəqliyyat -1” MMC-nin balansında olan 57 avtobusdan 13
avtobusa xəttə buraxılmayıb. Bu avtobuslardan 8-də validatorların fəaliyyətində
problem yaranıb. 5 avtobusun isə təmirə ehtiyacı var. Hələ 149 avtobus barəsində məlumat daxil
olmayıb. Validatorlar səbəbindən nəticədə sıxlıq yaranır. Məhz bu
problemdən avtobuslar arasında interval artıb”.
İdarə
rəisi avtobuslarda olan plan sisteminin ləğv edildiyini və maaş sisteminin
tətbiq edildiyini də bildirib. S. Əsədov qeyd edib ki, əldə edilən razılaşmaya
görə, sürücü işə çıxdığı hər günə görə 50 manat əməkhaqqı alacaq.
S.
Əsədov sosial şəbəkələrdə problemlərin süni şəkildə yaradıldığı ilə bağlı
yazılanlara da münasibət bildirib: "Bu xəbərlər həqiqəti əks etdirmir. Qurum
olaraq Sumqayıtda ictimai nəqliyyatda mövcud olan bütün problemlərin aradan
qaldırılmasında maraqlıyıq. Bu həm bizim üçün, həm də sərnişinlər üçün vacibdir”
Xatırladaq
ki, sentyabrın 28-dən Sumqayıtda ictimai nəqliyyatda nağd ödəniş sistemi ləğv
olunub və gediş haqqı kart vasitəsilə həyata keçirilir.
Xədicə
Səxavətqızı
Xeberle.com
Xəbərdən istifadə edərkən istinad etmək vacibdir.
