Xəbər verdiyimiz kimi, Sumqayıt Apellyasiya Məhkəməsinə yeni hakim təyin edilib.
Belə ki, Prezident İlham Əliyevin imzaladığı qərara əsasən Məmmədov Zahid Tahir oğlu Sumqayıt Apellyasiya Məhkəməsinin hakimi təyin olunub.
Xeberle.com hakim barəsində məlumatlar əldə edib.
Zahid Məmmədov 1985-ci ildə anadan olub. Ali təhsilini Bakı Dövlət Universitetinin Hüquq fakültəsində alıb. Bakalavriatla yanasi, magistraturanı da bitirib. 2005 - 2007-ci illərdə hüquq şirkətində hüquq məsləhətçisi, baş məsləhətçi isləyib. 2007 - 2018-ci illərdə isə Məhkəmə-Hüquq Şurasının Aparatında məsləhətçi, aparıcı məsləhətçi, Korrupsiyaya qarşı mübarizə sektorunda böyük məsləhətçi, sektor müdiri vəzifələrində çalışıb. 2018-2019-cu illərdə Sumqayıt İnzibati-İqtisadi Məhkəməsinin hakimi, 2020-ci ildən son təyinatədək Sumqayıt Kommersiya Məhkəməsinin hakimi olub.
Bu ilin dekabrın 24-də isə Sumqayıt Apellyasiya Məhkəməsinin hakimi vəzifəsinə təyinat alıb.
Xəbərdən istifadə edərkən istinad etmək vacibdir.
