Bu gün İmişlidə narkotik maddələrdən istifadə edən gəncin ağrılar içərisində qıvrıldığı haqda xəbər vermişdik.
Ölkə.Az sözügedən hadisənin videosunu əldə edib. Hadisə şahidlərinin bizə göndərdiyi bu videoda açıq-aşkar hər şeyi görmək olar.
Xatırladaq ki, dünən İmişlidə gənc oğlan narkotik maddədən istifadə etdiyi üçün ağrıdan qıvrılaraq əzab çəkib.
Hadisə şahidlərinin Ölkə.Az-a verdikləri məlumata görə, bu gecə saat
01:00 radələrində İmişlinin mərkəzi küçəsində bir gənc bayqın vəziyyətdə
tapılıb. Daha sonra ətrafdakı insanlar olayın ciddi olduğunu görüb
təcili tibbi yardım çağırıb.
Şahidlərin bildirdiyinə görə, təcili tibbi yardım maşınının gəlməyi
ilə getməyi bir olub. Bayqın vəziyyətdə olan gənci isə nə xəstəxanaya
aparıblar, nə də bir tədbir görüblər.
Verilən məlumata görə, gənc içkili olmayıb. Son zamanlarda bir çox
ölkələrdə olduğu kimi Azərbaycanda da geniş yayılan "bonzai", " spays"
adlı kimyəvi narkotik maddələrdən istifadə edib.
Hadisə yerinə polis əməkdaşları və təcili tibbi yardımın gəlməsinə
baxmayaraq, gənc 04:00-a kimi rayonun mərkəzində qıvrılaraq yerdə qalıb.
Xəbərdən istifadə edərkən istinad etmək vacibdir.