Müasir smartfonların sahibləri telefonlarının akkumulyatorlarını tez-tez qidalandırıcıya qoşmaq məcburiyyətində qalırlar. Telefonu gün ərzində əlindən yerə qoymayanların işi isə lap çətindir. Çinli mütəxəsisslər həmişə olduğu kimi bu dəfə də qabağa düşərək problemi həll köklü şəkildə həll etmək qərarına gəliblər. Artıq yeni cihaz da hazırdır. Autocharge adlı cihaz vasitəsilə evdə yanan elektrik lampası vasitəsilə telefonun akkumulyatorunu qidalandırmaq mümkün olacaq

Qeyd edək ki, lampa işığını çevirərək smartfona yönləndirmək imkanına malik olan Autocharge evin tavanına bərkidilir və heç bir əlavə naqildən istifadə edilmədən telefona enerji ötürür. Üstəlik  cihaz mobil telefonun yerini belə özü müəyyən edə bilir. Qaranlıq otaqda isə autocharge əvvəlcədən yığıb saxladığı işıq enerjisi vasitəsilə telefonun güc göstəricisini 40 faizədək qaldırmağa qadirdir.

Autocharge-in mobil telefonun batareyasını doldurma sürəti heç də adi adapterdən geri qalmır. Yaxın günlərdə satışa buraxılması gözlənilən cihazın qiyməti  95  dollardır. (atv.az)