Sentyabrın
11-dən Azərbaycan Respublikasının Əmək və Əhalinin Sosial
Müdafiəsi Nazirliyinin maliyyə yardımı ilə Əlil Sahibkarlar Təşkilatının
nəzdində Astara rayonunda «Əlilliyi olan şəxslərin peşə-sosial
reabilitasiya mərkəzinin
fəaliyyətinin təşkili” layihəsinə start verilib.
Layihənin rəhbəri Mirzə Məmmədvəliyev
Xeberle.com-a bildirib ki, əlilliyi olan şəxslər üçün
peşə-sosialreabilitasiyası mərkəzi əlilliyi olan şəxslərin hər biri ilə müvafiq
profilə uyğun sosial reabilitasiya işi aparmaq, onların sosial statusunun bərpa
edilməsi və cəmiyyətə inteqrasiyasını təmin etmək məqsədi ilə peşələrin öyrədilməsi
və məşğulluqlarının təmin edilməsi üçün yaradılır: "Mərkəzə 50 nəfər
əlilliyi olan şəxs cəlb edilib. Əsas məqsədimizlərdən biri peşə kurslarına cəlb
edilmiş əlilliyi olan şəxslərin iş yerləri təmin edilməsinə köməklik
göstərilməsidir. Müəyyən edilmiş şəxslər üçün peşə kursları - xalçaçılıq,
kompyuter, dərzi və sair kuslartəşkil edilib".
Qeyd edək ki, layihə 11 yanvar 2020-ci ilə kimi davam edəcək.
Xəbərdən istifadə edərkən istinad etmək vacibdir.