Yola saldığımız 2018-ci il sumqayıtlılar üçün bir çox ictimai-siyasi hadisə ilə zəngin və əlamətdar olub. Öncə vurğulayaq ki, 2018-ci ilin ən yaddaqalan və tarixi hadisələrindən biri növbədənkənar prezident seçkiləri olub. 11 apreldə prezident İlham Əliyevin xalqın, eləcə də Sumqayıt sakinlərinin etimadını növbəti dəfə qazanıb; ölkə üzrə seçicilərin mütləq əksəriyyətinin dəstəyi, etimadı ilə dövlət başçısı İlham Əliyev yenidən ölkə prezidenti seçilib.

18 iyul - Prezidentin şəhərimizə səfəri və Sumqayıt Kimya Sənaye Parkında "SOCAR Polymer” layihəsi çərçivəsində inşa edilən Polipropilen zavodunun açılışı oldu

16 noyabr - Azərbaycan Respublikasının Prezidenti İlham Əliyevin Sumqayıt Kimya Sənaye Parkında "Tabaterra” Qapalı Səhmdar Cəmiyyətinin tütün məmulatları istehsalı fabrikinin açılışında iştirakı.

27 dekabr - Sumqayıt şəhərində qaçqın və məcburi köçkün ailələri üçün inşa edilən yaşayış binaları kompleksinin açılışı oldu və Azərbaycan Respublikasının Prezidenti İlham Əliyev və birinci xanım Mehriban Əliyeva açılışda iştirak etdilər.

Bəs Sumqayıtda bu il kimlər postundan azad edildi?

2018-ci il başlar-başlamaz Sumqayıt şəhər İcra Hakimiyyəti başçsının birinci müavini Faiq Kərimov tutduğu vəzifədən azad edildi. Bu il Sumqayıt Şəhər İcra Hakimiyyətinin başçısı yanında Sumqayıt Avtomobil Nəqliyyatı ilə Sərnişindaşıma İdarəsinin rəisi Seyfulla Əsədullayev üçün də düşərli olmadı. Belə ki, S. Əsədullayev də tutduğu postla vidalaşmalı oldu.

Sumqayıt şəhər Təhsil Şöbəsinin müdiri Nizami Namazov da 2018 -ci ildə vəzifəsini itirənlər siyahısındadır.

"Azəriqaz” İstehsalat Birliyi Sumqayıt Qaz İstismar Sahəsinin rəisi Namiq Tarverdiyev də bu il yola salınan məmurlardandır.

Sumqayıt Mənzil Kommunal Təsərrüfat İstehsalat Birliyinin Təmizlik departamentinin direktoru Məhəmməd Məmmədov da postunu itirənlər cərgəsində oldu.

Əmək və Əhalinin Sosial Müdafiəsi Nazirliyinin yanında Dövlət Sosial Müdafiə Fondunun Sumqayıt şəhər şöbəsinin müdiri İsmayıl İsmayılov da vəzifəsiylə vidalaşdı.

İlin sonlarına yaxın isə Sumqayıt şəhər Səhiyyə şöbəsinin müdiri Nəriman Baxşəliyev və onun müavini Bərxudar Məmmədov da işdən azad olunanlar arasında yer aldı.

Daha bir vəzifəsini itirən isə Sumqayıt Şəhər Polis İdarəsi Dövlət Yol Polisi Şöbəsinin rəisi Bayram Zeynalov oldu.

2018-ci il Sumqayıt üçün digər maraqlı hadisələrlə də yadda qaldı. Belə ki, Muxtar Babayev ekologiya və təbii sərvətlər naziri təyin olundu. Buna qədər "Azərikimya" İstehsalat Birliyinin Müşahidə Şurasının sədri olan Babayev, eyni zamanda millət vəkili statusunu daşıyırdı.

Təəssüf ki, köhnə ildə dünyasını dəyişənlər də oldu.

Belə ki, 2 saylı Ərazi Vergilər Departamentində çalışmış Rövşən Quliyev idarə etdiyi avtomobilin sükanı arxasında, Azərbaycan parlamentinin sabiq deputatı Rəfail Səmədov 68 yaşında dünyasını dəyişib. R.Səmədov 1985-1990-cı illərdə Azərbaycan SSR Ali Sovetinin Sumqayıtdan seçilmiş deputatı kimi fəaliyyət göstərib.

Sumqayıtın tanınmış pedaqoqlarından biri Tofiq Təhməzov da uzun sürən ağır xəstəlikdən sonra 2018-ci ildə 80 yaşında vəfat edib.

Polis kapitanı, 36 yaşlı Nazim Məhəmmədəli oğlu Qarayev xəstəlikdən haqq dərgahına qovuşub. 2018-ci ildə intihar edərək dünyasını dəyişənlər daha çox oldu.

2000-ci il təvəllüdlü Cavidan Rövşən oğlu Quluzadə və Poladzadə Mehti Firudin oğlu, 1980-cı il təvəllüdlü Xuraman Əzizağa qızı Rüstəmova, 2001-сi il təvəllüdlü Rüstəmov Faiq Fuad oğlu və 1996-cı il təvəllüdlü Cəfərli Əli Süleyman oğlu ötən ildə canlarına qıydılar. Maraqlıdır ki, hər biri şəhərin 14 mərtəbə adlanan binasından özünü ataraq intihar edənlərdir, lakin canına qıyanlar bununla bitmədi. Belə ki, Sumqayıt şəhər sakini 1992-ci il təvəllüdlü Cahangirov Asiman Cavadxan oğlu Ulduz abidəsinin arxasında olan ağaclıqda, 1982-ci il təvəllüdlü Həsənov Teymur Natiq oğlu isə Göyərçin abidəsinin arxasındakı ağaclıqda özünü kəndirlə asdı.

1952-ci il təvəllüdlü Məhrubə Əsgərova müalıcə aldığı xəstəxananın 5-ci mərtəbəsidə yerləşən palatadan özünü ataraq intihar edib.

Şəhərin Hacı Zeynalabdin qəsəbəsində yeləşən mənzillərin birində meyti tapılan 1999-cu il təvəllüdlü Ülvizadə Sənan Qədimoğlan oğlunun da özünü asaraq öldürdüyü məlum oldu.

1984-cü il təvəllüdlü Səidə Səfa qızı Bağırova yaşadığı binadan özünü ataraq intihar edib.

Sumqayıt şəhər sakini 1951-ci il təvəllüdlü Nəbiyev Ağabala Məbud oğlu, 34 yaşlı Vüsal adlı gənc ailə başçısı və 1997-ci il təvəllüdlü Murad İlqar oğlu Qədimalıyev yaşadığı mənzildə, 1992-ci il təvəllüdlü Paşayev Tamerlan Telman oğlu işlədiyi yerdə özünü kəndirlə asıb.

Ümüd edirik ki, 2018 – ci ildə yaşanan məyusluqlardan qorxmayaraq , keçmişi elə keçmişdə qoyaraq , 2019 – cu ildə daha uğurlu layihələrə imza atacayıq. Şəhər əhalisininin işlə təminatında müsbətə doğru irəliləyişlər artacaq və maddi rifah halı yüksələn əhalinin də yaşamaq, yaratmaq həvəsi oyanacaq.

Ən əsası isə bu il Sumqayıtın ictimai, siyasi və mədəni həyatında daha böyük uğurlarla yadda qalacaq.

Xədicə Səxavətqızı

Xeberle.com

Xəbərdən istifadə edərkən istinad etmək vacibdir.