Qadın
məsələləri üzrə ekspert Nərmin Şamilbəyli deyir ki, qadınlara qarşı
tördilən cinayət hallarının qarşısının alınması üçün psixoloji üsullar
tətbiq edilməlidir.
"Bu ilin oktyabr ayında Azərbaycanda 13 qadın məişət zorakılığı
zəminində qətlə yetirilib”. Bunu Konstitusiya Araşdırmaları Fondunun
rəhbəri, hüquqşünas Əliməmməd Nuriyev "Qadınlara və qızlara qarşı
zorakılığa son" kampaniyasına həsr olunmuş "dəyirmi masa"da deyib.
Qadın məsələləri üzrə ekspert Nərmin Şamilbəyli Sputnik Azərbaycan-a
deyir ki, qadın haqları insan haqlarının əsas hissədir və onların daha
çox müdafiəyə ehtiyyacı var:
"Bütün dünyada qadınlara qarşı zorakılıq halları mövcuddur. Lakin
Şərq aləmində və Azərbaycan cəmiyyətində bu mental psixoloji
göstəricilərinə görə fərqlənir. Problemin kökündə psixoloji hallar
dayanır və ona görə də həlli daha çox psixoloji tərbiyyələndirmə ilə
mümkündür. Qadınlara qarşı tördilən cinayət hallarının qarşısının
alınması üçün psixoloji üsullar tətbiq edilməlidir. Azərbaycan dövləti
qadın haqları ilə bağlı bir çox beynəlxalq öhədlik və konvensiyalara
qoşulub. Onları dövlət siyasətinə əlavə proqramlar, qanunvericiliyə
dəyişikliklər formasında tətbiq edilməli, bu sahədə islahatlar
aparılmalıdır”.
Xəbərdən istifadə edərkən istinad etmək vacibdir.
