Azərbaycanda ən güclü külək 11 il əvvəl paytaxt Bakıda və Abşeron yarımadasında baş verib.
Bu barədə Axar.az-a Ekologiya və Təbii Sərvətlər Nazirliyindən bildiriblər. Məlumata görə, Bakıda və Abşeron yarımadasında baş verən ən güclü külək 2007-ci il 24-25 fevral tarixlərində qeydə alınıb. İki gün davam edən şimal-qərb küləyinin maksimal sürəti 35-40 m/san təşkil edib.
Qeyd edək ki, nazirliyin Milli Hidrometeorologiya Departamentindən verilən bu günə olan hava proqnozuna əsasən, Bakıda və Abşeron yarımadasında hava şəraiti qeyri-sabit olacaq, arabir yağış yağacaq, bəzi yerlərdə sulu qara keçəcəyi gözlənilir.
Bu gün ərzində güclü şimal-qərb küləyi əsəcək, günün ikinci yarısında mülayimləşəcək. Havanın temperaturunun Bakıda və Abşeron yarımadasında gecə və gündüz 2-5° isti olacağı gözlənilir.

Xəbərdən istifadə edərkən istinad etmək vacibdir.