Sumqayıtda narkokuryerlik edən şəxslər tutulublar.
Daxili İşlər Nazirliyindən Xeberle.com-a verilən məlumata görə, Baş Narkotiklərlə Mübarizə İdarəsinin əməkdaşları paytaxt ərazisində əməliyyat keçiriblər. Saxlanılan şəxslər – Tələt Muradov, Şahlar Qasımov və Famil Əliyevin üzərlərindən, ev və avtomobildən 60 kiloqram tərkibi psixotrop maddələrlə zənginləşdirilən marixuana, heroin, metamtefamin, 8780 ədəd metadon həbi və elektron tərəzilər aşkarlanıb.
Məlum olub ki, onlar Sübhan və Razi adlı (şəxsiyyətləri istintaqla araşdırılan) İran vətəndaşları ilə əlbir olaraq Azərbaycana narkotiklərin gətirilməsini təşkil ediblər. Həmin narkotikləri Sumqayıt şəhərində dəniz kənarından götürüblər.
Saxlanılan şəxslər narkotikləri maddi qazanc məqsədilə Bakıda ayrı-ayrı ünvanlara yerləşdirməli imişlər. T. Muradov, Ş. Qasımov və F. Əliyev ölkəmizdə narkotiklərin qanunsuz dövriyyəsini təşkil edən əsas şəxslərdən olublar.
Cinayət işi başlanılıb. Onlar barəsində həbs qətimkan tədbiri seçilib. Əməliyyat-istintaq tədbirləri davam etdirilir.
Xəbərdən istifadə edərkən istinad etmək vacibdir.
