Sumqayıtda Ukrayna vətəndaşı kafedə işləyən qulluqçunu bıçaqlayıb.
Ukrayna vətəndaşı olan Ruslan Kupuryanov iyun ayının 8-də gecə saatlarında Sumqayıt şəhərində yerləşən yeyib içmək üçün kafelərdən birinə gedib. Özünün dediyinə görə müştəri kimi ofisiantı çağıraraq ona xidmət etməsini istəyib. Ancaq ofisiant onu təhqir edərək pis cavab verib. Daha sonra tərəflər bir-birlərinə nömrə verərək görüş təyin ediblər.
Səhər saatlarında kafedə işləyən ofisiant 23 yaşlı Ruslana zəng edərək onu Saray qəsəbəsinə çağırıb. Deyilən ünvana gələn Ruslan ofisiantla mübahisə edib. Mübahisə davaya çevrilib. Ofisianta gücünün çatmadığını görən Ruslan bıçaqla onun qarın nahiyəsinə bir dəfə zərbə endirib. Daha sonra Ruslan qorxduğu üçün Bakıya gəlib.
Abşeron rayon polis idarəsinin əməliyatçıları onu paytaxtda saxlayaraq şöbəyə gətiriblər. Ruslan Kupuryanov barəsində toplanmış materiallar Abşeron rayon məhkəməsinə təqdim edildikdən sonra onun bu əməlinə hüquqi qiymət veriləcək.
gununsesi.info
Xəbərdən istifadə edərkən istinad etmək vacibdir.
