Bu gün Bakı Ağır Cinayətlər Məhkəməsində qətldə təqsirli bilinən Asim Ağamalıyevin məhkəmə prosesi başa çatıb.
APA-nın məlumatına görə, hakim Əlisultan Osmanovun sədrliyi ilə keçirilən prosesdə hökm oxunub. Hökmə əsasən, Asim Ağamalıyev 18 il müddətində azadlıqdan məhrum edilib.
Qeyd edək ki, 2014-cü il noyabrın 20-də Binəqədi rayonunun Biləcəri qəsəbəsindəki "Vulkan” motelinin hamam otağında Sumqayıt şəhər sakini Afaq Şükürovanın meyiti tapılıb. Mərhumu qohumu - Kürdəmir rayon sakini Asim Ağamalıyevin boğaraq öldürdüyü müəyyənləşib.
Xəbərdən istifadə edərkən istinad etmək vacibdir.
