Sumqayıtda qətl törədən şəxs saxlanılıb.
Xeberle.com-un əldə etdiyi məlumata görə, ötən gün şəhərdə şüşə qablar istehsal edən müəssisələrin birində iş yoldaşı 1977-ci il təvəllüdlü Məmmədov Murad Mehdi oğlunu bıçaqlayaraq qətlə yetirməkdə şübhəli bilinən şəxs 1988-ci il təvəllüdlü Cəfərov Samir Ədalət oğlu polislər tərəfindən saxlanılıb. Saxlanılan şəxs qətl törədən zamanı əlinə də xəsarət yetirib. O, polisin müşayəti ilə xəstəxanaya gətirilib və onun əlinə tikiş qoyulub. Qətlin hansı səbəbdən törədilməsi isə məlum deyil.
Faktla bağlı Sumqayıt şəhər Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, araşdırma aparılır.
Xəbərdən istifadə edərkən istinad etmək vacibdir.
