Sumqayıtda iyunun 3-də tarixdə Namiq Ələkbərovun qayınatası və qayınanasına yaşadıqları evlərində xəsarət yetirməsi ilə bağlı Sumqayıt şəhər Polis İdarəsində Cinayət Məcəlləsinin 128-ci (qəsdən sağlamlığa yüngül zərər vurma) maddəsi ilə cinayət işi başlanıb.
Bununla bağlı Baş Prokurorluğun mətbuat xidməti tərəfindən Xeberle.com-un sorğusuna cavab olaraq məlumat verilib.
Bildirilib ki, Namiq Ələkbərov Cinayət Məcəlləsinin qeyd edilən maddəsi ilə təqsirləndirilən şəxs qismində cəlb edilərək barəsində polisin nəzarəti altına vermə qətimkan tədbiri seçilib.
Hazırda Sumqayıt şəhər polis idarəsində istintaq davam edir.
Xəbərdən istifadə edərkən istinad etmək vacibdir.
