İnsanlar hər zaman selfi etməyi xoşlayıblar. Hətta öz şəklini çəkmək elə də asan olmayan illərdə belə. Bir qayda olaraq bunu pulsuz etmək belə mümkün deyildi.

 
Məlumata görə, "Imgur” adlı populyar internet forumun "John_Jard” nikli istifadəçisi babasının 1935-ci ildə edilmiş şəklini paylaşıb. O iddia edir ki, bu, dünyada çəkilmiş ən köhnə selfidir.

 
Forumda yerləşdirilmiş və artıq saralmış ağ-qara şəkildə itlə birgə gənc oğlan əks olunub. İlk baxışdan elə təsəvvür yaranır ki, o, əlində selfi çubuğu saxlayır. Ancaq bu belə deyil.

 
"John_Jard” adlı istifadəçinin sözlərinə görə, onun babası çəkim düyməsinə bağlanmış kəndirlə kameranı idarə edir.

 
"İmgur” yazır ki, şəkil 1935-ci ildə Kanadanın Ontario şəhərində çəkilib. Həqiqətən də bu şəklin dünyada ən qədim selfi olub-olmadığını mütəxəssislər müəyyən edəcək.(Lent.az)