Günümüzdə internetdəki axtarış sistemləri məlumatları almaqda və ötürməkdə mühüm rol
oynayır. Hesab edirik ki, doğma şəhərimiz Sumqayıtı dünya ictimaiyyətinə internet
vasitəsi ilə tanıtdırmaq üçün həm "Google” , həm də digər axtarış sistemlərinə
"Sumqayıt” sözünün ümumi formada yazılışı və onun haqqında məlumatları ötürməliyik.
Görəsən,
"Google”da ingilis dilində "Azerbaijan, Sumqayit” yazanda nələr çıxır?
Gəlin "Gənclər şəhəri” barədə tapılan 7 informasiyaya nəzər yetirək :
1. Sumqayit
– Wikipedia. Burada ingilis dilində Sumqayıtın yaranma tarixi, ərazisi, harada
yerləşdiyi, mədəniyyəti, coğrafiyası, təhsili, səhiyyəsi və b. məlumatlar var.
2. Sumqayit,
Azerbaijan - The World's Most Polluted Places ( Sumqayıt, Azərbaycan – Dünyanın
ən çirkli yerlərindən biri) - burada Sovet dövründə Stalinin Sumqayıtda çoxlu
zavodlar açdığı üçün təbiətə ziyan vurulması barədə məlumat var.
3. Sumqayit,
Azerbaijan – bu linkdə də Sumqayıt haqqında məlumatlar var.
4. Hotels
in Sumqayit, Azerbaijan - bu
link vasitəsi ilə Sumqayıtda olan otelləri axtarmaq olar.
5. Sumqayit
– Wikitravel – burada da Sumqayıt haqqında və otelləri ilə bağlı məlumatlar
var.
6. Azerbaijan:
Sumgayit Becomes One Of World's Most-Polluted Cities (Azərbaycan: Sumqayıt
dünyanın ən çirkli yerlərindən olmağa başlayır). Bu linkdəki məlumatlarda
Sumqayıtda doğulan uşaqların qüsurlu olmasından, ümumi olaraq buranın çirklənməsi
barədə məlumatlar var.
7. Azerbaijan.
Sumqayit City – Youtube – bu linkə daxil olmaqla açılan videoda Sumqayıta aid
fotoşəkillərə baxmaqla bura haqqında ilkin fikirlər əldə etmək olur.
Nəzərə
almaq lazımdır ki, internet istifadəçilərinin əksəriyyəti axtarış zamanı ilk
çıxan linklərə diqqət yetirir. Sumqayıt haqqında ingilis dilində olan linklər
isə bir o qədər ürəkaçan deyil. Sumqayıtımızın müsbət tərəflərini dünya
ictimaiyyətinə çatdırmaq uğrunda isə hər birimiz çalışmalı, bu işə töhfə verməliyik.
Hicranə İsmayılova
Xeberle.com
Xəbərdən istifadə edərkən istinad etmək vacibdir.
