Bu gün Günəş, Ay və Yer bir sırada kosmosda düzüləcək.
Xeberle.com məlumat verir ki, nadir hadisə nəticəsində Yerdə bir neçə dəqiqə tam qaranlıq olacaq. Yerin müəyyən hissəsində gün ərzində ayın kölgəsi formalaşacaq.
Alimlərin fikrincə, bu, Şimali Amerika qitəsinin böyük bir hissəsində baş verəcək və 2044-cü ilə qədər təkrarlanmayacaq Günəşin tam tutulmasıdır. Bu, insanlara heç bir təsiri olmayan adi astronomik hadisədir.
Günəş tutulması Azərbaycan ərazisindən görünməyəcək.
Ayın kölgəsi Meksika, ABŞ-nin 13 ştatı və Kanadanın bir hissəsindən keçərək Yer kürəsinin cənub-şərqindən şimal-qərbə doğru hərəkət edəcək. Tam tutulma hissəsi 4 dəqiqə 48 saniyə davam edəcək.
Xəbərdən istifadə edərkən istinad etmək vacibdir.
