Yeni ilin gəlişinə sumqayıtlılar həvəslə hazırlaşır. Sumqayıt şəhərində 31 dekabr Dünya Azərbaycanlılarının Həmrəyliyi Günü və Yeni il hazırlıqları artıq yekunlaşmaq üzrədir. Görülən işlər və yaradılan bayram əhval ruhiyyəsi şəhərin gözəlliyinə daha da rənq qatıb.
Bayramın yüksək səviyyətə təşkili və keçirilməsi üçün Sumqayıt Şəhər İcra Hakimiyyəti tərəfindən hazırlanan xususi tədbirlər planına uyğun olaraq şəhər xüsusi işıq effektləri ilə bəzədilir, küçə və prospektlərdə, park və xiyabanlarda, mağazaların vitrinlərində yeni ilin gəlişini müjdələyən atributlar, rəngbərəng işıqları ilə diqqət çəkən yolkalar quraşdırılır. Şəhərin park və xiyabanlarında quraşdırılan bir-birindən fərqli şam ağacları göz oxşayır. Göyərçin abidəsi, Sumqayit Dovlet Dram Teatri, Dənizkənarı Bulvar, Heydər Əliyev qarkının qarşısında bəzədilmiş şam ağacları öz zəngin elementləri ilə seçilir.
Mərkəzi küçələrdə, park və xiyabanlarda quraşdırılan al-əlvan işıqlar şəhərə xüsusi yaraşıq verir.
Sumqayıtlılar yola salmağa hazırlaşdıqları 2016-cı ildə bir sıra nailiyyətlərin şahidi olublar. Şəhərdə abadlıq və quruculuq işləri geniş vüsət alıb. Şəhərin siması tamamilə dəyişib. Bu ərəfədə şəhərdə görülən işlər, yaradılan bayram əhval-ruhiyyəsi Sumqayıtın əsrarəngiz gözəlliyinə daha çox möhtəşəmlik qatır.

Xəbərdən istifadə edərkən istinad etmək vacibdir.