Müsəlman aləmində oruc tutulacağı ilk gündə - müqəddəs Ramazan ayının 1-də qeyri-adi astronomik hadisə baş verəcəyi gözlənilir.
Xeberle.com Moderator.az-a istinadla yazır ki, bu haqda Misirin Astronomiya və Geofiziki Tədqiqatlar İnstitutu məlumat yayıb.
Misirli alimlərin qənaətinə görə, mayın 27-si, şənbə günü, Məkkə vaxtilə saat 12:18-də(təxminən günorta namazı başlananda) Günəş düz Müqəddəs Kəbə üzərində perpendikulyar şəkildə duracaq. Marqlıdır ki, Günəş Müqəddəs Evin düz üzərində dayanan anlarda kölgələr bir müddət yoxa çıxır.
Yəni Kəbənin kölgəsi düşmür. Alimlər hesab edir ki, bu qəribə olay zamanı planetin istənilən yerində yaşayan müsəlmanlar günəşə istiqamətlənərək, namazın dəqiq səmtini (qibləni) müəyyən edə bilərlər
Bu nadir astronomik olayın 2017-ci ildə ikinci dəfə iyulun 15-də baş verəcəyi gözlənilir.
Xəbərdən istifadə edərkən istinad etmək vacibdir.
