Kənd həyatı, kənd turizmi deyəndə ya ağlımıza Qubanın Qəçrəş kəndi gələcək, ya da Qusarın  Ləzə kəndi… Ən yaxşı halda isə Şəkinin Kiş kəndi. Sözsüz ki, bu yerləri gəzməyə və görməyə dəyər. Amma bəzən fərqli məkanları da kəşf etmək, çərçivədən çıxmaq lazımdır. Yəni turizm cənnətini uzaqlarda axtarmaqdansa, arada geri dönüb öz ölkəmizdə də baxmağımız məsləhətlidir.
Azərbaycanda bir-birindən gözəl elə kəndlər var ki, diqqətdən kənarda qalıb. Buna görə də əhalinin əksəriyyəti həmin yerləri tanımır.
Məzuniyyət mövsümüykən, A24.Az sizə unudulmuşlar ketoqoriyasından olan bir neçə kəndi təqdim edir:
Sudur kəndi, Qusar       
Qusarın ən son kəndidir. Dəniz səviyyəsindən 1800 m hündürlükdə, Şah dağın ətəyində yerləşir. Sudur füsunkar təbiətə sahibdir. Burada, dağ-turizm istirahəti və sağlamlıq turizm sonasının yaradılması üçün şərait var. Əgər şəraiti dəyərləndirilərsə, Sudura turist axını olacağı istisna edilmir. Siz isə nə vaxtsa potensialı dəyərləndiriləcək deyə, gözləməyin. Əgər diqqətinizi cəlb edirsə, ilin istənilən dövründə gedib dincələ bilərsiniz.

Zeyvə, Şabran
Rayon mərkəzindən 30-35 kilometr uzaqlıqdadır. Sıx meşələrin qoynunda, ucqar dağ kəndidir. Zeyvə turistik baxımdan elə bir sərvətə malikdir ki, ucqar olması gözə belə görünmür. Belə ki, kənddən bir qədər aralıda Göygölün kiçik forması olan Əmbil gölü mövcuddur. Kənddə çox sayda bulaq və şəlalələr də var.

 

 

Qum kəndi, Qax
Bəlkə də bir çoxunuza bu kəndin adı da, havası da məlumdur. Sözsüz ki, tanımayanlarınız da var. Bilməyənlər üçün deyək ki, Qum Qaxın ən qədim kəndlərindəndir. Qum kəndi mərkəzdən 8 km aralıda, Qafqaz silsiləsinin ətəyində, dəniz səviyyəsindən 700 metr yüksəklikdə yerləşir. Kənd ərazisindən Ərdəva dağ çayı axır. Dağ ətəkləri sıx meşə ilə örtülüb. Burada Qafqaz Albaniyasına məxsus qədim məbəd də var.

 

Novoivanovka, Gədəbəy

Xəbərdən istifadə edərkən istinad etmək vacibdir.