Xəbər verdiyimiz kimi, Prezident İlham Əliyev ictimai-siyasi məsələlər üzrə köməkçisi Əli Həsənovu vəzifəsindən azad edib.
Xeberle.com xəbər verir ki, Əli Həsənov işdən azad
olunduqdan sonra "BBC News Azərbaycanca"ya müsahibə verib. Ə. Həsənov
bildirib ki, son 3 ildə səhhəti ilə bağlı ciddi problemlərlə üzləşib və
ölkə başçısından vəzifədən azad edilməsiylə bağlı xahiş edib: "Cənab
prezidentdən xahiş etmişdim ki, məni bu gərgin fəaliyyətdən, gərgin
vəziyyətdən azad etsin. Mən 53 yaşında iki dəfə açıq ürək əməliyyatı
keçirmişəm, bir dəfə infakt olmuşam. Sağlamlığım bu günlə sabah
arasında, belə deyək, mövcudluğum sadəcə olaraq, Allaha bağlıdır.
Ona görə də bu iş mənim üçün həddindən artıq gərgin idi. Və son 3 il
ildir, dəfələrlə cənab prezidentə müraciət etmişdim ki, cənab prezident,
imkan varsa, mənim işimi dəyişin. Bu gün də təşəkkür edirəm ki,
müraciətimi də nəzərə alaraq, - onun özünün də yəqin bununla bağlı
planları, proqramları, səbəbləri var, - məni azad elədi. Buna görə də
ona təşəkkür edirəm".
Xəbərdən istifadə edərkən istinad etmək vacibdir.
