Hər il olduğu kimi 2013/2014-ci tədris ili Sumqayıt təhsili üçün uğulu bir il olmuşdur.TQDK-nin keçirtdiyi qəbul imtahanları nəticəsində Sumqayıt məktəbliləri yenə ön sıralarda olmuşlar.Növbəti 2014/2015-ci tədris ilində də bu naliyyətləri gözləyirik.         
Müsahibim Sumqayıt şəhər 9 nömrəli tam orta məktəbin direktoru Bəhruz Səlimxanovdur. B.Səlimxanov Tənsil Naziri tərəfindən 2011-ci ildən 9 nömrəli tam orta məktəbə direktor təyin edilib. Onu da qeyd edim ki, bundan əvvəl 1 nömrəli tam orta məktəbdə riyaziyyat müəllimi, sonra isə "Təfəkkür” liseyində direktor müavini vəzifəsində çalışıb. İlk sualım da çalışdığı təhsil ocaqları ilə bağlı bir sualdır.           
-Bəhruz müəllim bir neçə kollektivdə çalışmısınız.İlk dəfə müəllim kimi çalışdığınız kollektiv də müəllimlərin və şagirdlərin sizə olan münasibəti ürəyinizcə oldumu? 
- Mənim üçün müəllim olmaq böyük məsuliyyət demək idi.Ö züm ziyalı ailəsində anadan olmuşam. Anam müəllimədir.Onun bu peşəyə bağlı olması, mənim müəllim olmaq həvəsimi daha da artırdı.Onun şagirdlərə qarşı tələbkarlığı və səmimiliyi, eyni zamanda şagird və müəllim kollektivinin ona qarşı hörməti mənə bir məktəb oldu. İlk çalışdığım Sumqayıt şəhər 1 nömrəli məktəb də rəhbərliyin yaratdığı ciddi nizam-intizamı və müəllimlərin bir təzə müəllim kimi mənə isti münasibəti məni bu peşəyə daha da yaxınlaşdırmaqla yanaşı,  məsuliyyətimi artırdı.  
-Sumqayıt şəhər @Təfəkkür@ liseyində direktor müavini vəzifəsinə çalışmağınız artıq sizin məsuliyyətinizi daha da artırmışdır. Bu dövr ərzində direktor müavini kimi iş prinsipiniz rəhbərlik tərəfindən necə qiymətləndirilib? 
- Əlbətdə ki, direktor müavini kimi çalışdığım müddətdə çalışmışam ki, təcrübəmi artırım, bilmədiyimi öyrənim. Bu işdə liseyin direkroru Bəsirə xanımın əməyi də danılmazdır.Görünür mənim iş prinsipim rəhbərliyin xoşuna gəlib və direktorluğa təqdimatım verilib.  
-Bəhruz müəllim, 9 nömrəli tam orta məktəbə təyin olunduğunuz gündən məktəb müəllim və şagird kollektivi sizdə hansı təəssüratlar oyatdı? 
- İlk gündən kollektivin adi iş günü fəaliyyətini gördüm. Hardasa fərqli yanaşmalar olsa da, bu da təbii haldır ki, əvvəlki direktor Sevil xanıma olan isti münasibəti ilk andan görə bilməzdim. Bunun üçün həm vaxt, həm də sağlam iş birliyim lazım idi. Təyin olunduğum gündən də çalışıram bu birliyi qoruyub saxlayım. 
-Məktəb də hansı yeniliklərə imza atmısınız? Uğurlarınız haqda mümkünsə danışardınız. 
- Direktor təyin olunduğum gündən çalışmışam hər bir müəllimin fəaliyyəti ilə dərindən tanış olub, məktəb, valideyn, müəllim, şagird münasibətini möhkəmləndirim.Ayrı-ayrı fənn müəllimlərin iş prinsipini şəhər səviyyəsində yayılmasında, müxtəlif fənn olimpiadalarında qabaqcıl şagirdləri üzə çıxarmaqla yanaşı, məktəbimizin adını qabaqçıl şəhər məktəblərin sırasına daxil etmək olub. İlk dəfə olaraq "Elektron” qiymətləndirmə tətbiq etdik.Bu da hər bir valideynin telefonuna şagirdin qiyməti haqda məlumat verilirdi. 2011/2012-ci tədris ilində qəbul faizimiz 40%, 2012/2013-cu tədris ilində 59%, 2013/2014-cu tədris ilində 56% olmuşdur.Əvvəlki tədris ilində ildə bir şagird, keçən tədris ilində isə iki şagirdimiz 600-dən yuxarı bal toplamışdır.Son iki tədris ilində UNEPO-nun dünya üzrə lahiyə olimpiadasında şagirdlərimiz 2-ci və 4-cü yerlərin qalibi olmuşlar.  Hər il fənn aylıqları-açıq dərslər geniş formatda keçirilir.Müntəzəm olaraq şagird, müəllim və valideyn konfransları keçirilir.Onu da qeyd edim ki, hər il tədbirlər planında tanınmış ədiblərlə, Qarabağ və Böyük Vətən müharibəsi iştirakçıları ilə  görüşlər keçirilməsi nəzərdə tutulur.  -Hər bir müəssisədə qabaqcıl kollektivin nümayəndələri olur.
- Müəllimlərinizdən   şəhər səviyyəsində iş təcrübəsini yayanlar varmı? 
Məktəbimizdə ayrı-ayrı fənlər üzrə qabaqcıl müəllimlərimiz var. Coğrafiya fənni üzrə Eldarov Nəzər müəllimin bir neçə "Coğrafiyanın metodikası” ,”Testlər” kitabları və digər metodiki tövsiyyələri Təhsil nazirliyi tərəfindən təsdiqini tapmışdır.Kimya fənni üzrə Həsənova Falmira, Azərbaycan və ədəbiyyatı fənni üzrə Səmədova Səmayyə, Rüstəmova Samirə, riyaziyyat fənni  üzrə Yusibov Aydın? biologiya fənni üzrə Abışov Aydın, hərbi hazırlıq üzrə Quliyev Əlisoltan müəllim, UBT-nın rəhbəri Validə Əlirzayeva və digərləri nümünə göstərmək olar.Məktəbimizdə ədəbi nəslin davamçısı tanınmış şair-puplisist Asif Asiman da müəllim kimi fəaliyyət göstərməklə yanaşı gənc nəslə ədəbi mühitin incəliklərini aşılayır.  
-Elə bir kollektiv olmasın ki, narazılıqlar olmasın. Bəzən yersiz narazılıqlar da ürək bulandırır. Elə də olur ki, uğurlara qara yaxanlar da qa olur. Müasir dövrdə KİV –nin söz azadlığı bir dövrdə jurnalistlərin gözündən heç nə yayınmır. Elə hal da olur ki, anonim məktublarla bir başa kollektiv və ya valideynlərin adından istifadə edib məktəbin bütün fəaliyyətinə mənfi yanaşırlar. Belə hallara necə münasibət bəsləyirsiniz? Ümumiyyətlə tənqidə münasibətiniz necədir? 
- Bilirsiniz, əvvəl mənə çox pis təsir göstərməklə yanaşı, sanki əlimi işdən soyutmaq istədilər. Mən adi bir məktəb direktoruyam. Amma böhtan xarakterli yazıları ilə gündəmdə olmağı heç kim istəməz. Son günlərdə belə bir yazı saytlarda getmişdi. Şəhər Təhsil Şöbəsinin müdiri Vaqif müəllim və özüm verilən sualları cavablandırmışıq. Doğrudan da bu qədər görülən işlərin üstünə xətt çəkmək nə qədər insafsızlıq olardı. Anonim yazılar və yaxud da kimlərinsə adından yanlış məlumatları KİV-nə çatdırmaqla bu təkcə mənim haqqımda yox ümumiyyətlə məktəbimizin adını hallandırmağa gətirib çıxarır. Yüksək vəzifəli məmurlar haqqında da bu cür yazılar dərc edilir. Hər şey göz qabağındadır. Tənqidə münasibətim müsbətdir. İş olan yerdə nöqsan da olur. Biz təmiz əllərlə işləyirik.   
-Məktəbiniz İnşaatçılar qəsəbəsində yerləşir. Bir növ əyalət məktəbi kimi qəbul edək. Orada yaşayan insanlar da fərqli-fərqli sakinlərdir. Bir direktor kimi, onların məktəbə göstərdiyi qayğı və diqqət ürəyinizcədirmi? 
- Valideynlərdən çox razıyam. Qədir bilən valideynlərdir. Məktəbimizin binası 1957-cı ildə tikilib. Təzə korpus tikilməyinə baxmayaraq, köhnə korpusu imkanlarımız daxilində cari təmir edirik. Bu işdə könüllü olaraq valideynlərin böyük köməyi olur. Onu da qeyd edim ki, məktəbimizin tam əsaslı təmirə böyük ehtiyacı var. İnanıram ki, yaxın gələcəkdə şəhərin digər məktəbləri kimi 9 nömrəli məktəb də tam əsaslı təmir olunacaqdır.  
-Qarşıda hansı planlarınız var? 
Ölkəmizdə baş verən yeniliklərə rəğmən hər bir məsul şəxs rəhbərlik etdiyi sahədə yeniliklər və dönüş yaratmalıdır. Məqsədimiz məktəbimizin naliyyətlərini yüksək səviyəyə qaldırdırmaq, əyalət məktəbi kimi yox, şəhərimizin ən qabaqcıl məktəbləri sırasına çatdırmaqdır. İnanıram ki, biz buna nail olacayıq. Bu işdə müəllim və valideyn kollektivinə böyük inamım var. 
- Vaxt ayırıb müsahibə verdiyinizə görə sizə təşəkkürümü bildirirəm.
-Sizə də öz adımdan, bütün kollektivimizin adından dərin minnətdarlığımı bildirirəm. 

Vüqar İltifatoğlu (Xəyal)"Yeganə Yol” qəzetinin məsul katibi,
AJB-nin üzvü, publisist.([email protected])