İqtisadi Zonaların İnkişafı Agentliyi  nəzdində Peşə Təhsil Mərkəzinin tələbələri "Qış Elm Festivalında” qızıl medal qazandılar.

Xeberle.com məlumat verir ki, 26 dekabr 2023-cü il tarixində İqtisadi Zonaların İnkişafı Agentliyi nəzdində Peşə Təhsil Mərkəzinin tələbələri Bakı Mühəndislik Universitetində Gənc Riyaziyyatçıların " Elm layihə Yarışında ” 100-dən çox iştirakçılar arasından seçilərək qalib gəlmişlər. Bakı Mühəndislik Universitetinin Riyaziyyat Kafedrasının Baş müəllimi, Pifaqor Akademiyasının qurucusu Bəhman Qüdsinin platforması olan bu lahiyədə İqtisadi Zonaların İnkişafı Agentliyi nəzdində Peşə Təhsil Mərkəzinin tələbələri Yusif Şıxəliyev, Rəvan Əliyev və Vüsal Abbasov "Məntiqi oyunlar” adlı maraqlı lahiyələri ilə mərkəzimizi təmsil etmişlər. Onlar interaktiv, sosial, diqqətçəkən və məzmunlu çıxışları ilə ən üstün nəticə göstərərək yarışda I-ci yerə layiq görülmüş və qızıl medal ilə təltif edilmişlər.