Ölkəmizdə ümummilli lider Heydər Əliyevin anadan olmasının 92-ci ildönümünə həsr olunan silsilə tədbirlər sırasına yaşıllaşdırma, abadlaşdırma, quruculuq işlərinə də xüsusi önəm verilir. "Yaşıllıq həyatdır, sağlamlıq, uzun ömür deməkdir” devizi altında mayın 2-də Sumqayıt Dövlət Universitetinin (SDU) rəhbərliyi, professor-müəllim və tələbə heyəti ali təhsil ocağının ətrafında səliqə-səhman işləri görüb. Belə ki, universitetin ərazisində 500 şam, 6 palma ağacı, 300 həmişəyaşıl kol əkilib, bəzi yerlərə qazon qatı döşənilərək gübrə verilib, voleybol meydançası istifadəyə yararlı hala gətirilib.SDU-nun mətbuat xidmətindən  bildirilib ki, "Yaşıllıq həm gözəllik, həm də sağlamlıqdır, ekologiyanın qorunmasında ən mühüm amildir” amalı ilə keçirilən iməcilik növbəti günlərdə də davam etdiriləcək.(Azərtac)