Sumqayıt şəhərinə yeni təyin olunmuş icra başçısı Zakir Fərəcov bu gün müşavirə keçirib.
Müşavirədə bir sıra məqamlara toxunan başçı şəhərdəki neqativ halları qeyd edib. Təhsil sahəsindəki çatışmazlıqların da olduğunu deyən Zakir Fərəcov Sumqayıt Təhsil şöbəsinin müadir əvəzi Vaqif Ələkbərovun işindən narazılığını ifadə edib və onu işdən azad edib.

Vaqif Ələkbərov açıqlamasında vəzifəsindən azad olunmasını təsdiqləyib.

"Bəli bu gün müşavirə keçirildi və mən vəzifəmdən uzaqlaşdırılım. Sumqayıtın təhsil sahəsində geri qalması, ali məktəbə qəbulda zəif nəticələrin olması, işdə zəif nəticələr göstərməyim buna səbəb kimi göstərilib. İcra başçısının haqqımda dediyi ifadələrlə razıyam. Hər halda o araşdırma aparıb və nəticələrə əsasən qərar verib”.

V.Ələkbərov hazırda onun yerinin müvəqqəti olaraq Sumqayıt Şəhər Təhsil Şöbəsinin metod kabinetinin direktoru Sabir Məmmədova həvalə olunduğunu qeyd edib.

"Bu gün işimdən kənarlaşdırılmışam. Hələlik qarşıdakı fəaliyyət barədə düşünməmişəm. Müəllim işləmişəm, yəqinki müəllimlik fəaliyyətimi davam etdirəcəm”.

modern.az