Yeni dərs ili başlar-başlamaz təhsil sistemində mövcud olan problemlər özünü göstərməyə başladı. Bu dəfə də redaksiyamıza vətəndaşlar Sumqayıt Dövlət Universitetindən şikayət ünvanladılar. Yenə də hər kəs kimi universitetə qədəm qoyan hicablı tələbələr dərsə buraxılmadılar. Onların təhsilə yiyələnməsinə süni maneə yaradıldı.Ölkə konstitusiyasında, mövcud qanunvericilikdə hicablı tələbə və şagirdlərin təhsil almasını qadağan edən heç bir maddənin olmamasına baxmayaraq, belə bir halın baş verməsi bir çox suallar doğurdu. Görəsən təhsildə ən yaxşı nəticələr əldə edən hicablı tələbələrin dərsə buraxılmaması əmrini kim verir və bu problem hardan qaynaqlanır? Bu suallara cavab tapmaq üçün mövzuya yenidən qayıdacağıq. Ancaq mövcud problemlə əlaqədar SDU ilə əlaqə saxladıq. Öncə telefonumuzu Tərbiyə İşləri üzrə prorektor Nizami Namazov açdı və bunları söylədi.

   


Daha sonra rektor köməkçisinin nömrəsini əldə edib əlaqə saxladıq. Telefona özünü təqdim etməyən şəxs cavab verdi. Sualı eşidər-eşitməz isə sözümü başa çatdırmağa imkan verməmiş dəstəyi asdı.




Ümid edirik ki, heç bir hüquq çərçivəsinə sığmayan bu addımla Azərbaycan təhsilinə xələl gətirən SDU rəhbərliyi problemlə əlaqədar ölçü götürəcək və hicablı tələbələrin dərsə buraxılması təmin ediləcək.
AzadXeber.az