Martın 14-də Sumqayıt şəhər Gənclər və İdman Baş İdarəsinin təşkilatçılığı ilə Sumqayıt Gənclər Evində "Xəmsə" Milli İntellektual Oyunu üzrə gənclər arasında VIII Azərbaycan Çempionatının Abşeron zonası üzrə zona birinciliyi keçirilib.
Yarışda Abşeron və Xızı rayonlarından hər birindən 2, Sumqayıt şəhərindən 4 olmaqla ümumilikdə 8 komanda iştirak edib.Yarışın əsasnaməsinə uyğun olaraq zona mərhələsinin yekununa əsasən 3 komanda final mərhələsində iştirak etmək hüququ əldə edib. Sumqayıt şəhərini yarışda "Eldorado”, Renessans, "El-Muallimo” və "Kaspi” komandaları təmsil ediblər.
Gərgin keçən bilik mübarizəsindən sonra "Eldorado”, "Kaspi” (Sumqayıt) və "Promotey” (Abşeron) komandaları finala vəsiqə qazanıblar.