Sumqayıtda "Yeniyetmə və gənclərin ekoloji problemlər və ətraf mühitin mühafizəsi haqqında məlumatlandırılması” layihəsi çərçivəsində növbəti tədbir keçirilib.

Layihə "İnnovativ İdeya və Təşəbbüslər” İctimai Birliyi tərəfindən Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə icra olunub.

Şəhərdəki 4 nömrəli tam orta məktəbdə təşkil edilən tədbirdə layihənin əhəmiyyətindən danışılıb, ekoloji problemlər və ətraf mühitin mühafizəsi haqqında iştirakçılara ətraflı məlumat verilib. Bildirilib ki, ekoloji təfəkkürün formalaşması və inkişafı aparılan maarifləndirmə işlərindən cox asılıdır. Ətraf mühiti qorumaq, təbiətə qayğı və həssaslıqla yanaşmaq hər kəsin insanlıq borcudur.

Tədbirdə şagirdlərin ekologiya haqqında nəzəri bilikləri təcrübədə tətbiq olunaraq daha da möhkəmləndirilib.

Layihə şagirdlərdə ekoloji ruhu inkişaf etdirmək, ətraf mühitə qarşı onlarda həssas münasibət formalaşdırmaq məqsədi daşıyıb.