Təhsil müəssisəndən Xeberle.com-a verilən məlumata görə, bayram tədbiri Azərbaycan Respublikasının Dövlət Himninin səslənməsi ilə başlayıb.

Məktəbin direktoru Bəhruz Səlimxanov tədbirə toplaşan şagirdləri onların valideynlərini, müəllimləri salamlayaraq, yeni tədris ili münasibətilə təbrik edib. B.Səlimxanov prezident İlham Əliyevin təhsilə qayğısından, son illər orta məktəblərdə bu istiqamətdə görülən uğurlu işlərdən bəhs edib: "Ölkə başçısının təhsilə olan diqqət və qayğısının nəticəsidir ki, bu da özünü təhsilin keyfiyyətinin artmasında göstərib.

Direktor qeyd edib ki, bu il məktəbi bitirən məzunların 73 faizi ali məktəblərə daxil olub. Onlardan 3 nəfəri 600-dən yuxarı bal toplayıblar.

Tədbirdə iştirak edən qonaqların, müəllimlərin çıxışlarından sonra ilk dəfə məktəb pillələrinə qədəm qoyan şagirdlər şeirlər söyləyiblər.

"Bilik günü”nə həsr olunmuş tədbir "İlk zəng”in sədaları ilə başa çatıb.

Xeberle.com