Sinif  balaca, şagird çox. Paytaxtın əksər məktəblərində ibtidai siniflərdə eyni mənzərə hökm sürür. Hətta bəzi siniflərdə şagirdlərin sayı 40 nəfərə yaxındır. Bu isə müəllimin dərsi daha keyfiyyətli keçməsinə mane olur, balacaların sağlamlığına təhlükə yaradır.
Siniflərdə şagird çoxluğunun əsas səbəbi valideynlərin yaxşı məktəb və müəllim axtarmasıdır. Bunun nəticəsində də bəzən valideyn kilometrlərlə yolu qət edir, övladını uzaq məktəbə aparır. 
Bakı şəhəri üzrə Təhsil İdarəsindən bildirildi ki, daha çox şagird sıxlığı Binəqədi, Xocasən, Sulutəpə, Zabrat, Binə qəsəbələrində həmçinin Xətai rayonun ərazisində, müşahidə olunur. Burada paytaxtda əhalinin sayının artması da rol oynayır. 
Qeyd edək ki, bu il Bakıda 45 min şagird birinci sinifə gedib. 

Xəbərdən istifadə edərkən istinad etmək vacibdir.