Sumqayıtlı müəllimlərin həmmüəllifliyi ilə yeni kitab çapdan çıxıb.

 Xeberle.com-un məlumatına görə,"Təhsildə hüquq və kargüzarlıq məsələləri” adlanan kitabın müəllifləri Sumqayıt şəhər 9 nömrəli tam orta məktəbin direktoru Bəhruz Səlimxanov və tarix müəllimi Elnur Bayramovdur. Kitaba Sumqayıt şəhər Təhsil şöbəsinin müdiri, biologiya üzrə fəlsəfə doktoru, dosent Nizami Namazov və Sumqayıt Dövlət Universitetinin Azərbaycan və Şərqi Avropa xalqları tarixi kafedrasının müdiri, tarix elmləri doktoru, professor Şirxan Səlimov rəy verib. Vəsait giriş və iki bölmədən ibarətdir. I bölmə əmək qanunvericiliyi, II bölmə isə kargüzarlıq işinə həsr olunub. I bölmə məlumat-sorğu, II bölmə isə kargüzarlığın aparılması qaydaları və nümunələri şəklində tərtib olunub. Kitab məktəb rəhbərləri, müəllimlər, təhsil qanunvericiliyi ilə maraqlanan digər oxucu kütləsi üçün nəzərdə tutulub.