2016-2017-ci il tədris ilində Sumqayıt şəhər Təhsil şöbəsinin tabeliyindəki məktəblərdən 2628 nəfər nəfər məzun olub.

 Xeberle.com-un məlumatına görə, illik qiymətləri "5” olan və buraxılış imtahanı fənlərindən yüksək nəticə göstərən 103 nəfər XI sinif şagirdi fərqlənmə attestatına layiq görülüb. Bundan əlavə təhsil nazirinin müvafiq əmri ilə tam orta təhsili xüsusi nailiyyətlərlə başa vuran 5 məzun qızıl (4 nəfər TETG, 1 nəfər 5 nömrəli məktəb), 1 məzun isə gümüş (TETG) medalla təltif edilib. Şəhərin məzunlarından 169 nəfər (o cümlədən 2 nəfər "İdrak” liseyi”) 600-dən çox bal toplayıb. Bu, ötən ilki göstəricidən 30 nəfər, yəni təxminən 22% çoxdur. O cümlədən, 108 nəfər 600-649 intervalında, 61 nəfər isə 650-700 intervalında bal toplayıb. İlkin məlumatlara əsasən 200 nəfər məzun 500-600 intervalında bal toplaya bilib. Orta bal 345,7 olub ki, bu da respublika üzrə ən yüksək göstərici olmaqla yanaşı, ötən illə müqayisədə 19% yüksəkdir (ötən il orta bal 289,7).